แสดงบทความที่มีป้ายกำกับ ເກັ່ງຄອມ แสดงบทความทั้งหมด
แสดงบทความที่มีป้ายกำกับ ເກັ່ງຄອມ แสดงบทความทั้งหมด

Microsoft word ຈັດຕຳແຫນ່ງຂໍ້ຄວາມ (Alignment)

Microsoft word
ຈັດຕຳແຫນ່ງຂໍ້ຄວາມ (Alignment)
ໃນເອກະສານຂອງ Word ເລີ່ມຕົ້ນເມື່ອເຮົາພິມຂໍ້ມູນ ຂໍ້ຄວາມໃນແຖວຫລືຫຍໍ້ຫນ້າຈະຖູກຈັດໃຫ້ຢູ່ຕິດກັບເບື້ອບຂວາຂອງຂອບສະເຫມີ ແຕ່ເຮົາສາມາດຈັດຕຳແຫນ່ງໄດ້ຕາມຄວາມເຫມາະສົມ ໂດຍໃຊ້ຄຳສັ່ງໃນກຸ່ມ Alignment ເຊິ່ງຈະຈັດຕຳແໜ່ງໄດ້ຫລາຍແບບດ່ັງນີ້:



Read More

Microsoft word ສ້າງເອກະສານໃຫມ່ ແລະການຕັ້ງຄ່າພື້ນຖານ

Microsoft word
ສ້າງເອກະສານໃຫມ່ ແລະການຕັ້ງຄ່າພື້ນຖານ
ສອນ microsoft office ແບບມືອາຊີບ

ຫລັງຈາກທີ່ສ້າງເອກະສານໃຫມ່ແບບຫວ່າງໆຂື້ນມາແລ້ວ ເຮົາອາດຈະຕ້ອງຕັ້ງຄ່າພື້ນຖານບາງຢ່າງກ່ອນທີ່ຈະພິມເອກະສານອອກມາໄດ້ ເຮັດໃຫ້ການສ້າງເອກະສານໄດ້ຮູບແບບທີ່ສວຍງາມແລະເຫມາະສົມ.

ໂອເພັນ, ສອນ ໄມໂຄຣຊອບ ແບບມືອາຊີບ
Read More

MICROSOFT WORD ແຖບ Ribbon ພື້ນຖານຂອງ Microsoft Word 2016

#MICROSOFT WORD
#ແຖບ Ribbon ພື້ນຖານຂອງ Microsoft Word 2016
 Home (ຫນ້າທຳອິດ) 
ຈະລວບລວມເຄື່ອງມືຈັດຮູບແບບເນື້ອຫາ, ຂໍ້ຄວາມ, ຕຳແຫນ່ງ, ຫຍໍ້ຫນ້າ, ຮູບແບບຂໍ້ຄວາມ, ເສັ້ນຂອບ, ສີພື້ນ, ສີຂໍ້ຄວາມ ຯລຯ.
 Insert
ຈະລວບລວມຂໍ້ມູນໃນການເພີ່ມອອ໋ບເຈັກ ຕ່າງໆ ເຊັ່ນ: ຫນ້າເຈ້ຍ, ຫນ້າປົກ, ຕາຕະລາງ, Comment, Symbols, SmartArt, ຮູບພາບ, ຮູບແຕ້ມ, WordArt, ກ່ອງຂໍ້ຄວາມ, ຫົວເອກະສານ/ທ້າຍເອກະສານ ຯລຯ.
 Design (ອອກແບບ)
ຈະລວບລວມເຄື່ອງມືອອກແບບຕ່າງໆເຊັ່ນ: ເລືອກຊຸດ Themes ເອກະສານ, ເລືອກຮູບແບບ, ຊຸດສີ, ໃສ່ effect, ຊຸດ Front, ໃສ່ລາຍນ້ຳ, ເສັ້ນຂອບ, Paragraph Spacing ແລະ ໃສ່ສີເຈ້ຍ.
 Layout
ຈະລວບລວມເຄື່ອງມືຈັດການກ່ຽວກັບໂຄງຮ່າງຂອງເອກະສານ ເຊັ່ນ: ໄລຍະຂອບ, ແນວຂອງເອກະສານ, ຂະຫນາດເອກະສານ, ການແບ່ງຫນ້າເອກະສານ, ໄລຍະຫ່າງ, ຕຳແຫນ່ງຮູບພາບ, ຈັດຂໍ້ຄວາມກັບຮູບພາບ ຯລຯ
 References (ການອ້າງອີງ)
ຈະລວບລວມເຄື່ອງມືແຊກຂໍ້ມູນການອ້າງອີງ ເຊັ່ນ: ດັດສະນີ, ສາລະບານ, ການອ້າງອີງ ຯລຯ
 Mailings (ການສົ່ງຈົດຫມາຍ)
ເຄື່ອງມືສຳລັບການສົ່ງຈົດຫມາຍ, ຊອງຈົດຫມາຍ, ຈົດຫມາຍວຽນ (Mail Merge), ເລເບລ (Label).
 Review
ຈະມີເຄື່ອງມືຕ່າງໆເຊັ່ນ: ການແປເອກະສານ, ກວດສອບຄຳສະກົດ, ໃຊ້ເອກະສານຮ່ວມກັນ, ປຽບທຽບເອກະສານ, ເພີ່ມຂໍ້ຄິດເຫັນ, ໃສ່ລະຫັດ ແລະກວດສອບການແກ້ໄຂ.
 View (ມຸມມອງ)
ລວບລວມເຄື່ອງມືສະແດງຕ່າງໆເຊັ່ນ: ໄມ້ບັນທັດ, ເສັ້ນກຣີດ, ປ່ຽນມຸມມອງເອກະສານ, ຫຍໍ້/ຂະຫຍາຍ ມຸມມອງ, ສະແດງຫນ້າເອກະສານ, ການສ້າງຫນ້າຕ່າງໃຫມ່ ແລະ ຈັດລຽງຫນ້າຕ່າງເອກະສານ.
 Contextual Tab
ຈະເປັນແຖບເຄື່ອງມືພິເສດທີ່ສຳພັນກັບການເລືຶອກຕ່າງໆ ເຊັ່ນ: Picture, Chart, SmartArt ແລະ Table ເພື່ອໃຊ້ຈັດການກັບສິ່ງທີ່ເລືອກນັ້ນ ເຊັ່ນ: ເມື່ອເລືອກກຣາບຈະສະແດງແຖບ Chart tools ໂດຍຈະມີແຖບຍ່ອຍ Design, Layout ແລະ Format ທີ່ມີຄຳສັ່ງໃນການອອກແບບແລະຈັດຮູບແບບໃຫ້ກັບກຣາບເປັນຕົ້ນ ເຊິ່ງຈະຄືກັບການໃຊ້ໃນ Excel ແລະ PowerPoint.

ສອນ ຄອມພິວເຕີ ແບບມືອາຊີບ
Read More

Microsoft excel ການຮຽກຊື່ເຊວມາໃຊ້ງານ

Microsoft excel
ການຮຽກຊື່ເຊວມາໃຊ້ງານ
ຫລັງຈາກໄດ້ກຳນົດຊື່ໃຫ້ກັບຊ່ວງເຊວໄປແລ້ວ ການນຳເອົາຊື່ເຊວນັ້ນມາໃຊ້ງານສາມາດເຮັດໄດ້ຫລາຍວິທີ ເຊັ່ນ: ຮຽກຊື່ເຊວເພື່ອເລືອກຂອບເຂດຂໍ້ມູນ, ໃສ່ໄປໃນສູດຄຳນວນ, ຈັດຮູບແບບ ຫລືນຳໄປອ້າງອີງເພື່ອກຳນົດເງື່ອນໄຂໃນສູດແບບຟັງຊັນທີ່ຊັບຊ້ອນຫລາຍຊັ້ນໄດ້ ເຊິ່ງຈະເຮັດໃຫ້ເຮົາອ່ານສູດຫລືກຳນົດສູດໄດ້ງ່າຍຂື້ນ.
• ການຮຽກໃຊ້ຊື່ເຊວ
ການຄລິກທີ່ປຸ່ມ Name Box ແລ້ວເລືອກຊື່ເຊວນັ້ນຈະສະແດງຂອບເຂດຂອງເຊວທີ່ຢູ່ໃນຊື່ເຊວນີ້ຊຶ່ງເຈົ້າສາມາດໃຊ້ຄຳສັ່ງອື່ນໆ ກັບຂໍ້ມູນຊ່ວງນີ້ໄດ້ ເຊັ່ນຈັດຮູບແບບ ຫລືແກ້ໄຂລາຍການຂໍ້ມູນ.
- ພິມຊື່ເຊວໃນສູດ
ໃນສູດຄຳນວນໃນ Excel ໂດຍປົກກະຕິຈະອ້າງອີງຈາກຕຳແຫນ່ງເຊວ ແຕ່ຖ້າມີການນຳເຊວມາຕັ້ງຊື່ແລ້ວເຮົາສາມາດອ້າງອີງຊື່ເຊວໃນສູດໄດ້ງ່າຍພຽງແຕ່ໃສ່ຊື່ເຕັມ ຫລືຊື່ເລີ່ມຕົ້ນກໍ່ຈະມີຊື່ເຊວຂື້ນມາໃຫ້ເລືອກຄິລກນຳໃສ່ໃນສູດໄດ້ເລິຍ
ນອກຈາກການໃສ່ຊື່ເຊວໃນສູດຄຳນວນແບບປົກກະຕິທົ່ວໄປແລ້ວ ເຮົາຍັງສາມາດນຳຊື່ເຊວມາອ້າງອີງໃນການກວດສອບເງື່ອນໄຂຂອງຟັງຊັນເຊັ່ນ: ຟັງຊັນ If, Sumif ເພື່ອກວດເງື່ອນໄຂແລະຄຳນວນໄດ້.


Read More

#Microsoft Excel#ການຕັ້ງຊື່ເຊວຕາມຫົວຖັນຫລືຫົວແຖວ


#Microsoft Excel

#ການຕັ້ງຊື່ເຊວຕາມຫົວຖັນຫລືຫົວແຖວ


ເປັນການຕັ້ງຊື່ເຊວທີເຮັດໄດ້ງ່າຍ ດວ້ຍການນຳເອົາຊື່ຫົວລາຍການໃນກຸ່ມຂໍ້ມູນມາຕັ້ງເປັນຊື່ເຊວ ໂດຍໂປຣແກຣມຈະເລືອກເອົາຊື່ຫົວຖັນຊ້າຍຫລືຫົວແຖວເທິງສຸດມາຕັ້ງເປັນຊື່ເຊວໃຫ້ອັດຕະໂນມັດ:
- Top Row (ຫົວແຖວດ້ານເທິງ) ໃຫ້ໃຊ້ຄ່າໃນແຖວເທິງສຸດມາເປັນຊື່ເຊວ
- Left Column (ຖັນທາງດ້ານຊ້າຍ) ໃຫ້ໃຊ້ຄ່າຂອງເຊວໃນຖັນຊ້າຍສຸດເປັນຊື່ເຊວ
- Bottom Row (ແຖວດ້ານລຸ່ມ) ໃຫ້ໃຊ້ຄ່າແຖວດ້ານລຸ່ມເປັນຊື່ເຊວ
- Right Column (ຖັນດ້ານຂວາ) ໃຫ້ໃຊ້ຄ່າຂອງເຊວໃນຖັນຂວາສຸດເປັນຊື່ເຊວ


Read More

Microsoft excel ການໃຊ້ງານຊື່ເຊວໃນສູດ (Insert in Formula)

Microsoft excel

ການໃຊ້ງານຊື່ເຊວໃນສູດ (Insert in Formula)

ການໃຊ້ງານຊື່ເຊວອີກວິທີຫນຶ່ງ ໃນກໍລະນີທີ່ມີຊື່ເຊວຈຳນວນຫລາຍ ແລະຈື່ຊື່ເຊວບໍ່ໄດ້ກໍ່ສາມາດຄລິກເລືອກຄຳສັ່ງ Use in Formula ແລ້ວຄລິກເລືອກຊື່ເຊວທີ່ຈະໃຊ້ງານໃນສູດໄດ້
- ຊື່ເຊວຈາກຮູບແບບຕາຕະລາງ
ການຈັດຮູບແບບຂໍ້ມູນດ້ວຍຄຳສັ່ງ Format as Table (ຈັດຮູບແບບເປັນຕາຕະລາງ) ຈະມີຊື່ຕາລາງສະແດງທີ່ມຸມ ຊື່ທີ່ໄດ້ Table 1, Table 2, Table3, Table 4 … ໄປຕາລຳດັບການສ້າງ ແລະຖັນຫົວລາຍການໃນຕາຕະລາງກໍ່ຈະເປັນຊື່ໂດຍອັດຕະໂນມັດ ສາມາດນຳມາອ້າງອີງໃຊ້ງານໄດ້ເລີຍ ໂດຍທີ່ເຮົາບໍ່ຕ້ອງຕັ້ງຊື່ເພີ່ມ.
- ຊື່ເຊວຈາກຕາຕະລາງ
ການຈັດຮູບແບບເປັນຕາຕະລາງເມື່ອມີການອ້າງອີງເຖິງຊ່ວງເຊວໃນຕາຕະລາງແບບກຸ່ມ (ຖັນ) ຈະໄດ້ຊື່ເຊວເປັນຊື່ຂອງຖັນຂໍ້ມູນນັ້ນຢູ່ໃນເຄື່ອງຫມາຍວົງຂໍ [ ] ດັ່ງຕໍ່ໄປນີ້
+ ອ້າງອີງເຖິງລາຍການເຊວທັ້ງຖັນເຊັ່ນ =sum([ຈຳນວນ]) ຫລື =sum([ລາຄາ]) ຕາມຊື່ຫົວລາຍການເຊ່ິງເຊວທີ່ອ້າງເຖິງຕ້ອງຢູ່ໃນພື້ນທີ່ຕາລາງດ້ວຍ ຫາກຕ້ອງການອ້າງເຖິງນອກພື້ນທີ່ຕາລາງຕ້ອງລະບຸຊື່ຕາຕະລາງກ່ອນ ເຊັ່ນ =sum(Table1[ຈຳນວນ])
+ ມີການອ້າງເຖິງເຊວໃດໆໃນຕາຕະລາງກໍ່ຈະສະແດງເປັນເຄື່ອງຫມາຍ @ ບອກວ່າເປັນສ່ວນຫນຶ່ງໃນຖັນ ເຊັ່ນ =[@ລວມ] ຫມາຍເຖິງເຊວຫນຶ່ງຂອງຖັນ ລວມ.

Read More

insert Chart

#Excel Sortcut

#insert Chart ແມ່ນການຈຳເອົາຂໍ້ມູນໃນເອັກເຊວ ສ້າງຂື້ນເປັນກຣາບ ເພື່ອໃຫ້ສາມາດເບິ່ງ ແລະ ເຂົ້າໃຈງ່າຍຂື້ນ, ເຊິ່ງສ່ວນຫລາຍຈະໃຊ້ໃນການນຳສະເຫນີງານຕ່າງໆ
+ ກ່ອນທີ່ຈະໃຊ້ປຸ່ມລັດ ໃຫ້ເຮົາໃຊ້ເມົ້າຄລິກໃສ່ຫ້ອງໃດຫ້ອງຫນຶ່ງກ່ອນໃນຕາຕະລາງຂໍ້ມູນທີ່ເຮົາຕ້ອງການທີ່ຈະສ້າງເປັນ ກຣາບ
+ ຮູ້ແບບນີ້ແລ້ວ ມັນກໍ່ຈະງ່າຍຂື້ນ ກົດສອງປຸ່ມພ້ອມກັນກໍ່ສາມາດສ້າງກຣາບຂື້ນມາໃຊ້ງານໄດ້ຢ່າງງ່າຍດາຍ.
+ excel ບໍ່ໄດ້ຍາກຢ່າງທີ່ຄິດ ຂໍແຄ່ເຮົາຮຽນຮູ້ທຸກຢ່າງງ່າຍສຸດໆ







Read More

Microsoft Office






Microsoft Office ຊື່ນີ້ທີ່ເຮົາຄຸ້ນເຄີຍ ຄືຊື່ໂປຣແກຣມທີ່ໃຊ້ຈັດຮູບແບບເອກະສານທີ່ໃຊ້ກັນມາດົນ ໄດ້ພັດທະນາຫລາຍເວີຊັນ ຈົນເຖິງເວີຊັນປະຈຸບັນຄື 2016 ແລະ ຊຸດ Office 365 ທີ່ເນັ້ນການໃຊ້ງານຜ່ານລະບົບຄລາວທັງການຕິດຕັ້ງຈາກຊຸດ 365 ແລະຈັດເກັບຂໍ້ມູນເອົາໄວ້ໃນລະບົບຄລາວໃນບັນຊີ OneDrive ເພື່ອໃຫ້ສາມາດເປີດແລະແຊ ເອກະສານໄດ້ທຸກທີ່ ທຸກເວລາ ທຸກອຸປະກອນ ບໍ່ວ່າຈະເປັນເຄື່ອງ ພີຊີ, ໂນດບຸກ, ແທບເລັດ, ແມັກ, ໄອແພັດ ແລະ ສະມາດໂຟນລຸ່ນຕ່າງໆ.
     ສຳລັບຄົນເຮັດວຽກຫ້ອງການ ເຖິງແມ້ວ່າການເວລາຈະຜ່ານໄປ ແຕ່ໃນຫົວໃຈຍັງມີ Excel ຢູ່ສະເຫມີ ເພາະເປັນໂປຣແກຣມທີ່ດີທີ່ສຸດສຳລັບການເຮັດວຽກຫ້ອງການ ຄົງຈະເປັນ Excel ເຊິ່ງຂ້າພະເຈົ້າເອງກະໄດ້ຜ່ານການໃຊ້ງານມາເປັນເວລາດົນນານ ທຸກເວີຊັນ, ແຕ່ລະເວີຊັນກະມີຄວາມແຕກຕ່າງກັນ, ແລະ ໃນ Excel 2016 ໄດ້ເສີມການສັ່ງງານແບບລະບົບສຳຜັດ (Touch screen) ຫລາຍຂື້ນ ໃນສ່ວນຂອງການໃຊ້ງານພື້ນຖານທົ່ວໄປ 80-90% ຍັງຄົງຄືເກົ່າ ຫນ້າຕ່າງໂປຮແກຣມສວຍງາມຫລາຍຂ້ືນ ໃຊ້ງານງ່າຍຂື້ນ ແລະ ໄດ້ຜົນລັບທີ່ມີປະສິດທິພາບຫລາຂື້ນ
     ຄວາມສາມາດຂອງ Excel 2016 ໃນການຈັດເກັບຂໍ້ມູນ, ຈັດຮູບແບບຂໍ້ມູນ, ສ້າງສູດຄິດໄລ່ ແລະ ການຈັດການກັບພື້ນທີ່ການເຮັດວຽກຈະຄົງຮູບແບບເດີມ, ສໍາລັບທ່ານທີ່ເຄີຍໃຊ້ງານໃນເວີຊັນອື່ນໆທີ່ຜ່ານມາກໍ່ສາມາດໃຊ້ງານຕໍ່ເນື່ອງໄດ້ສະບາຍໆ ນອກຈາກນີ້ຍັງມີການເພີ່ມການເຮັດວຽກໃຫມ່ໆເຂົ້າມາຫລາຍຕົວ ເຊັ່ນ ກຣາບແບບ Waterfall, Treemap ແລະ Funnel, ສ້າງຊີດ Forcastsheet, ພະຍາກອນຂໍ້ມູນລ່ວງຫນ້າ ແລະ ສ້າງການນຳສະເຫນີຂໍ້ມູນເທິງແຜນທີ່ສາມມິຕິ (3D Map) ໄດ້ແບບງ່າຍໆ ແຕ່ນຳສະເຫນີໄດ້ແບບມືອາຊີບ.
     ນອກຈາກນີ້ຍັງມີການປ່ຽນແປງການເຮັດວຽກໃນຄຳສັ່ງຕ່າງໆ ເລັກໆ ນ້ອຍໆອີກຫລາຍຈຸດເພື່ອໃຫ້ໃຊ້ງານ Excel ເຮັດໄດ້ງ່າຍແລະລາບລື່ນກວ່າເກົ່າ, ມີການອັບເດດໂປຣແກຣມຢູ່ສະເຫມີ ຊິ່ງລາຍລະອຽດການໃຊ້ງານໃນຄຳສັ່ງຫລັກທັ້ງຫມົດຈະຂຽນໄວ້ໃນຫນັງສືເລ່ມນີ້ ພ້ອມກັບຕົວຢ່າງການໃຊ້ງານທີ່ເຂົ້າໃຈງ່າຍ ແລະນຳໄປໃຊ້ງານໄດ້.
Read More